Ich miste gerade alte Notizhefte aus und mache einige erheiternde Funde. Zu schade sie unverbloggt wegzuwerfen.
Im so gut wie leeren Voralpenexpress ab St.Gallen in Richtung Luzern. Drei ältere Leute, zwei Damen, ein Herr, steigen zu und richten sich ein. Kaum haben sie sich jedoch gesetzt, entdecken sie einen Reservationszettel an der Scheibe kleben und machen sich deshalb sogleich wieder daran, einen anderen Platz zu suchen. Bis die eine Frau etwas bemerkt (die zweite Frau hält sich während der ganzen Unterhaltung zurück).
Sie: Ah, dasch ja ersch ab Arth Goldau.
Er: Chum, mir gö dert übere ga hocke.
Sie: Aber dasch ersch ab Arth Goldau.
Er: Chum, mir gö dert übere ga hocke.
Sie: Bis Arth Goldau chömer bliibe.
Er: Gang mau dert füre ga luege öbs no Platz het.
Sie: (sich auf den Weg machend) Bis Arth Goldau chömr ja bliibe.
Er: (Ruft ihr nach) Gang de ou mau ga luege öb's im Restaurantwage no e Tisch frei het.
Sie: (zurückkommend) Mir chöi ja hie blibe u de immerno wächsle, Arth Goldau isch no lang nid.
Er: U we's de denn gar ke Platz meh het?
Sie: Mr chöi ja z'Arth Goldau umstiige für uf Luzärn.
Er: Ja, mr stiige um.
Sie: (schaut nochmal genau) 15 bis 48 steit da. Villich sis ja de gar nid 48 Lüüt.
Er: Was, das steit da?
Sie: Ja, 15 bis 48, di si äuä no nid sicher wi viu's wärde.
Er: Nei, das si doch d'Nummere. Platz 15 bis 48.
Sie: Ah ja, und mir hocke ja bi 65.
Ein anderes Mal im Voralpenexpress (am Tag nach Wetten Dass, als neu auch Michelle Hunziker dabei war).
Ältere Frau: Was macht de di Frou Hunziker i dere Show?
Älterer Mann: Jä so chli umetäsele, aso si het's guet gmacht, isch e ganz e ufgsteuti.
Frau: Was het si annegha?
Mann: Wiiss isch si agleit gsi, mit so höche Bömps. De ischsi aube grösser aus aui Manne, das regt mi aube uuf, aber mou, si het's guet gmacht.
Im Zug, mal ein anderer. Gespräch zwischen zwei Lehrlingen.
Der Eine: Willschmi verarsche, ihr münd immer stämple?! Am Morge am Mittag immer?....do chasch ja nie bschisse Mann!
Zwei Damen zu Pferd und mit Hund sind vor mir auf dem Wiesenpfad
unterwegs. Kurz vor dem Waldrand macht der Hund ein Häufchen. Beide
Frauen halten ihre Pferde an, die eine steigt ab, zückt ein
Robidog-Säcklein, räumt alles fein säuberlich weg, packt das volle
Säcklein vorbildlich ein, steigt wieder auf und weiter geht's.
Ein paar Meter später
hebt der eine Gaul seinen Schweif und erleichtert sich um
schätzungsweise zwei Kilo Pferdeäpfel. Not a single fuck was given.
